Presentación del libro ‘Fuellas d’Abisinia’, de Chusé Inazio Nabarro
Con la participación del autor y de Paz Ríos, profesora del Diploma de Especialización en Filología Aragonesa del Campus de Huesca
Facultad de Ciencias Humanas y de la Educación de Huesca (C/ Valentín Carderera, 4)
18 de febrero, 19:30 horas
Organiza: Diploma de Especialización en Filología aragonesa (Campus de Huesca de Unizar), con el Patrocinio de Diputación Provincial de Huesca
Un biache arredol d'a parola
Fuellas d'Abisinia ye un biache á trabiés d'as tierras d'Etiopía, pero ye tamién un biache arredol d'a parola. D'entre os dos modelos de relatos presens dende tiempo abe en a literatura unibersal, á saper, por una man, o biache (se beiga en iste caso, e por no ir más luen, a Odiseya u a Epopeya de Gilgamex), en o que o eroe beye mundo e protagoniza moltiples abenturas, e, por atra man, a lifara (ye o caso d'o Decamerón de Boccacio u os cabos trascurritos en as bentas de O Quixote), en do os presonaches, antimás de compartir o pan, o bin e o companache, se recontan istorias os uns á os atros, Fuellas d'Abisinia fa un apueste por o biache como filo d'a narrazión . En o día de güe, ya no bi'n ha de biachers: toz somos turistas, Con tot e con ixo, o narrador que escribe istas planas no ye un turista á l'uso. Bellas begatas s'atura en o camín, chita ra güellada arredol u entazaga, e nos fa beyer as cosas dende un atro anglo diferén, dende una prespeutiba más funda e seriosa en ocasions, e, en atras, una mica chuzona e irreberén.
Fuellas d'Abisina ye estata una buena desincusa ta que a nuestra luenga, anzestral e pirinenca, s'ubra enta nuebos orizons, cheograficos e tamién mentals, e petene por tierras que, dica l'arribo d'as puendas d'os abions. se trobaban bien luen. Ye igualmén un buen cote, una sobrebuena minglana, ta que un testo en aragonés tienga antimás un edizión feita en traza e con ficazio, bestindo-se, antiparti de con o prelogo d'Antonio Andreu, con as socherens imáchens fotograficas de Jerónimo Hijós e a muito emponderable maquetazión de José Ángel Alegre.
Chuse Inazio Nabarro
